Ушбу ҳаракат ЛГБТга қарши кураш дея баҳоланган. Бу ҳақда адлия вазири маслаҳатчиси ва блогер Шаҳноза Соатова маълум қилди.
“Кеча ўғлимнинг синфига кириб дарс пайти болаларнинг оёқ кийимини ечтириб, пайпоғини кўришибди: калтами-узунми. Калта пайпоқли оёқларни суратга олишибди. Буни ЛГБТга қарши кураш деб тушунтиришибди”, – деб ёзади Шаҳноза Соатова.
Унинг суриштирувига кўра, Халқ таълими тизимидан бундай топшириқ берилмаган.
Эслатиб ўтамиз, “Муносабат” ижтимоий-сиёсий телекўрсатувида Республика Маънавият ва маърифат маркази бўлим бошлиғи Мансур Мусаевнинг Европада калта пайпоқ ноанъанавий жинсий ориентация вакилларининг рамзи эканлигини айтиши ортидан ушбу мавзу жамоатчилик томонидан кенг муҳокамаларга сабаб бўлганди.
230