Ифторлик вақтидаги оммавий муштлашув сабаби очиқланиб, жиноий иши қўзғатилди - YANGILIK .RU yangilik.ru
  • Dush. Iyul 4th, 2022

YANGILIK .RU

АХБОРОТ ПОРТАЛИ

Ифторлик вақтидаги оммавий муштлашув сабаби очиқланиб, жиноий иши қўзғатилди

ByМухбир

Apr 19, 2021

Сурхондарё вилояти. 2021 йилнинг 16 апрель куни соат 19:10 ларда 36 ёшли Н.Нўмонжон ва 31 ёшли Т.Аслиддинлар  Термиз шаҳрида жойлашган “Хан Султан” номли рестораннинг ҳовли қисмида оила аъзолари билан алоҳида столда овқатланиб ўтириб, Н.Нўмонжон уларга хизмат кўрсатаётган официант 22 ёшли Н.Захриддин буюртмани вақтида олиб келмаганлиги сабабли, уни ҳақорат қилиб, юз қисмига бир шапалоқ урган вақтида уни тинчлантириб, безорилик ҳаракатларини олдини олмоқчи бўлган 37 ёшли Т.Захриддин, 41 ёшли У.Исмаил ва 29 ёшли А.Нохидбекларни  Н.Нўмонжон қайнукаси Т.Аслиддин билан бир гуруҳ бўлиб уларга фаол қаршилик кўрсатиб, уриб-дўппослаб, ресторан эшигининг ойнаси ва идиш жамланмаларини уриб синдирганлар.

Мазкур ҳолат юзасидан Термиз шаҳри бўйича ИИО ФМБ ҳузуридаги Тергов бўлими томонидан Н.Нўмонжон ва Т.Аслиддинларга нисбатан Ўзбекистон Республикаси Жиноят кодексининг 277-моддаси (Безорилик) билан жиноят иши қўзғатилиб, процессуал тартибда ушланганлар.

Тергов ҳаракатлари давомида, Н.Нўмонжон ва Т.Аслиддинлар муқаддам безорилик жиноятлари учун судланганликлари аниқланган.

Ҳозирда тергов давом этмоқда.

Таъкидлаш жоизки, бу турдаги жиноятлар учун Жиноят кодексининг нормаларига кўра, 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш жазоси тайинланади.

189