Тошкент шаҳри Мирзо Улуғбек туманида маст ҳолда йўл-патруль хизмати ходимига қаршилик кўрсатиб, унга сумка билан жароҳат етказган 23 ёшли қиз суд қилинди.
Хабарга кўра, воқеа 2020 йил 4 октабрь куни Мирзо Улуғбек тумани Аҳмад Югнакий мавзеси ҳудудидаги йўлнинг қатнов қисмида содир бўлган. 1998 йилда туғилган М.С. шу куни ярим тунда Ички ишлар бош бошқармаси Йўл ҳаракати хавфсизлиги бошқармаси инспекторларига қаршилик кўрсатган. Маълум қилинишича, 23 ёшли М.С. танишининг машинасида ҳуқуқбузарлик содир этгани учун унга нисбатан баённома расмийлаштирилаётган вақтда машинани жарима майдончасига олиб борилишига қаршилик кўрсатиб, йўл-патруль хизмати инспектори Д.А. билан жанжаллашган.
601