Тошкентда 4 нафар эркак дўкон сотувчисига пичоқ билан таҳдид қилди - YANGILIK .RU yangilik.ru
  • Dush. Iyul 4th, 2022

YANGILIK .RU

АХБОРОТ ПОРТАЛИ

Тошкентда 4 нафар эркак дўкон сотувчисига пичоқ билан таҳдид қилди

ByМухбир

Iyul 24, 2021

Тошкент шаҳар Учтепа туманида 23 июль куни 4 нафар эркак дўконга кириб, сотувчига пичоқ билан таҳдид қилди. Бу ҳақда шаҳар Ички ишлар бош бошқармаси ахборот хизмати хабар берди.

Маълум бўлишича, воқеа соат 13:55 атрофида туманда жойлашган Олтинтепа кўчасидаги дўконда содир бўлган. Аниқланишича, 4 нафар номаълум шахс дўконга кириб, 26 ёшли сотувчи Ҳ.И.га пичоқ билан таҳдид қилиб, телефон ва 4 000 000 сўм пулни олиб, воқеа жойидан яширинган.

Шунингдек, кўрилган тезкор чоралар давомида гумонланувчилар муқаддам судланган 47 ёшли Д.Л., 43 ёшли В.Н., 45 ёшли А.К. ва 37 ёшли Д.Ш.лар экани маълум бўлган. Ҳозирда Д.Л. ва В.Н. қўлга олинган. Шу билан бирга, 45 ёшли А.К. ва 37 ёшли Д.Ш.га қидирув эълон қилингани айтилган.

162